係多款頭盤入面，我地叫咗烤八爪魚同蝦肉白魚生粒；主菜就叫咗一份24安士連骨西冷，足夠2個人share食。
先上八爪魚，份量不少，烤得好香，尚算有鮮味，但肉質偏「淋」。而蝦肉白魚生粒，重點不在於嗰d蝦肉白魚生，而係個汁十分醒神，酸酸的，加埋芫荽（當然你要喜歡芫荽），清新！
主角到喇，西冷已經切好一片片，因為我地叫5成熟，上枱時肉帶粉紅，看來不錯。食落口，好嫩口，始終係阿根廷牛，肉味濃，但如果同我之前係中環嗰間阿根廷牛餐廳對比，嗰間肉味再出色d同再香口d。
而貪心既我，都叫咗個甜品試，紅酒啤梨配朱古力雪糕，而為會好漏，但個啤梨食落好清新，幫我清清牛肉既油膩感。
整體呢間都係一間值得幫襯既小餐館！
3
1
1
