影片
更多
2021-06-07
748 浏览
ᴵ ᶠᵒᵘⁿᵈ ᵐʸ ʳᵉᵃˡ ᵖᵃᵖᵃ ⁱⁿ ᴸᵃ ᴾᵃᵐᵖᵃ 🤑. 嚟到阿根廷，唔食🍷 同 🥩 會俾當地人笑到面黃。仲記得當年去阿根廷，基本上間間牛扒館都係長期滿座，然後d阿根廷人就係坐喺裏面大吃特吃。我懷疑就係因為咁所以大部份阿根廷人都係勁肥😂嚟到2021既香港，中環既「阿根廷餐廳群」魅力同樣超凡！撇除國際扒房Buenos Aires Polo Club 同偏貴既Asado唔講，走兩者之間路線既La Pampa 都算係一個唔錯既選擇。位於半山腰既La Pampa，外表睇落係一間具異國風情既小屋，鮮明既黃藍色對比同牛頭招牌本身就已經好draw全世界attention，但又未高檔令人難以接近。有性格，我鐘意！😎. 係上主菜前講左頭盤。 係阿根廷食牛扒，侍應多數奉上一盤自家製麵包先，再配合各形各色既special sauce。 依度麵包就冇乜特別啦，係法式硬麵包， 勝在夠熱同脆，同奉上當地牛油四大舊。 唔知係咪我錯覺， 我覺得阿根廷嘅牛油特別富油脂感同埋具鹹香，結果我忍唔住係清麵包前已經撻哂d牛油落肚，真係未食d牛已經準備好爆卡死☺️呵呵呵呵呵嘻嘻嘻☺️. 好！係等完一大輪後終於上主菜 l
.
嚟到阿根廷，唔食🍷 同 🥩 會俾當地人笑到面黃。仲記得當年去阿根廷，基本上間間牛扒館都係長期滿座，然後d阿根廷人就係坐喺裏面大吃特吃。我懷疑就係因為咁所以大部份阿根廷人都係勁肥😂嚟到2021既香港，中環既「阿根廷餐廳群」魅力同樣超凡！撇除國際扒房Buenos Aires Polo Club 同偏貴既Asado唔講，走兩者之間路線既La Pampa 都算係一個唔錯既選擇。位於半山腰既La Pampa，外表睇落係一間具異國風情既小屋，鮮明既黃藍色對比同牛頭招牌本身就已經好draw全世界attention，但又未高檔令人難以接近。有性格，我鐘意！😎
.
係上主菜前講左頭盤。 係阿根廷食牛扒，侍應多數奉上一盤自家製麵包先，再配合各形各色既special sauce。 依度麵包就冇乜特別啦，係法式硬麵包， 勝在夠熱同脆，同奉上當地牛油四大舊。 唔知係咪我錯覺， 我覺得阿根廷嘅牛油特別富油脂感同埋具鹹香，結果我忍唔住係清麵包前已經撻哂d牛油落肚，真係未食d牛已經準備好爆卡死☺️呵呵呵呵呵嘻嘻嘻☺️
.
Tenderloin Steak (250g)
$348
40 浏览
2 赞好
0 留言
好！係等完一大輪後終於上主菜 lol（標準阿根廷style， 但播住音樂成件事係好chill） La Pampa既Tenderloin Steak ($348/ 250 gr) 肉味濃郁，雖然因為切嗰陣肉身太厚而我同友人又揀左成熟程度為medium rare既關係，啲肉無我想像中煎得咁嫩，但整體來講水準依然係可接受的，而且風味同美式好唔同。係配料方面，我地揀左店員力推既creamed potato 🥔 ，食完簡直係覺得驚為天人，真係好好味，d薯蓉滑得來啖啖都帶有忌廉香，結果秒速被清。
.
Lamb rack with mint sauce
$268
71 浏览
0 赞好
0 留言
Lamb rack 🐑 w/ mint sauce ($268)價錢比牛扒平一大截，但個人覺得整體仲高質過牛。羊嫩得來一啲都唔羶，配合特製mint sauce可謂天衣無縫。
.
caramel custard
$78
33 浏览
1 赞好
0 留言
甜品caramel custard ($78) 本身係無乜特別，但加左dulce de leche (a. k. a. 焦糖牛奶）就變咗必食。Dulce de leche主要成份是煉奶和糖，基本上係當地每家每户必備之物，來到香港就只有阿根廷餐館先可以食，雖然甜到hihi，但無食過又真係唔算係完成一餐圓滿既阿根廷菜，所以記得嗌！
caramel custard
$78
63 浏览
0 赞好
0 留言
.
題外話，呢度嘅店員同老闆都super nice， 老闆本身係阿根廷人， 接近二十年前嚟香港開呢間餐廳，自此之後就風雨不改咁經營佢兼主理食物，所以食物質素絕對有保證。喺食完成餐飯後，佢唔單止出嚟同我哋講佢嘅故事，仲介紹咗好多阿根廷音樂畀我哋聽， 講到興起之際仲同其他店員一齊邀請我哋跳舞同請我哋飲烈酒🥃。
. 老老實實講，喺限聚令實施之後，我好耐冇試過食飯食得咁爽快，可以係一間餐廳留到深夜， 所以你見我呢篇食評打得咁長咁用心就係咁解，如果鍾意嘅話，記得save低兼 forward畀朋友啦❤️🥳
题外话/补充资料：
Tips Time📈:六月係餐廳既優惠月，經openrice book依間餐廳會有八折！
(以上食记乃用户个人意见 , 并不代表OpenRice之观点。)
张贴
