影片
更多
2025-07-28
118 浏览
呢度裝修幾chill，下層係英式酒吧feel，夜晚仲有live band，坐住戶外聽歌好正！而上層氛圍則較高雅，想安安靜靜傾偈就㨂樓上。阿富汗式慢煮羊肋排一上枱就聞到陣炭燒香，羊肋骨炆到超腍，一啖咬落去啲肉即刻散開，油脂香爆棚，仲有少少孜然同肉桂味，配埋旁邊嘅薯角，真係食到停唔到口！印度烤雞柳串 雞肉超嫩滑，炭燒味好出，點埋個咖喱醬，酸酸甜甜帶少少辣，一流！雞肉大大舊又夠juicy。 印度烤雞咖喱加配蒜香芫荽烤餅 食印度菜必點嘅菜式之一！咖喱汁超濃郁，最鍾意佢哋濃濃嘅香料味，以及帶有輕微煙燻味嘅咖喱汁，雞肉入味又唔鞋，滿分！必配蒜香芫荽烤餅，熱辣辣、外脆內軟，用嚟沾咖喱汁食，索晒啲汁超級正！ 65香料脆雞翼個名已經夠霸氣，食落果然真係香味十足！雞翼炸到金黃酥脆，咬落去啲肉仲keep到肉汁，唔會乾爭爭，點埋薄荷乳酪醬，酸味同辣味取得極緻嘅平衡。Sunset Fizz Fusion - Golden Vanilla Breeze呢杯mocktail好refreshing，雲尼拿香加埋熱情果，好啱夏天飲，唔會太甜，解膩一流！ Punjabi Lassi-Mango-Salted芒果
呢度裝修幾chill，下層係英式酒吧feel，夜晚仲有live band，坐住戶外聽歌好正！而上層氛圍則較高雅，想安安靜靜傾偈就㨂樓上。
阿富汗式慢煮羊肋排一上枱就聞到陣炭燒香，羊肋骨炆到超腍，一啖咬落去啲肉即刻散開，油脂香爆棚，仲有少少孜然同肉桂味，配埋旁邊嘅薯角，真係食到停唔到口！
印度烤雞柳串
雞肉超嫩滑，炭燒味好出，點埋個咖喱醬，酸酸甜甜帶少少辣，一流！雞肉大大舊又夠juicy。
印度烤雞咖喱加配蒜香芫荽烤餅
食印度菜必點嘅菜式之一！咖喱汁超濃郁，最鍾意佢哋濃濃嘅香料味，以及帶有輕微煙燻味嘅咖喱汁，雞肉入味又唔鞋，滿分！
必配蒜香芫荽烤餅，熱辣辣、外脆內軟，用嚟沾咖喱汁食，索晒啲汁超級正！
65香料脆雞翼
個名已經夠霸氣，食落果然真係香味十足！雞翼炸到金黃酥脆，咬落去啲肉仲keep到肉汁，唔會乾爭爭，點埋薄荷乳酪醬，酸味同辣味取得極緻嘅平衡。
Sunset Fizz Fusion - Golden Vanilla Breeze
呢杯mocktail好refreshing，雲尼拿香加埋熱情果，好啱夏天飲，唔會太甜，解膩一流！
Punjabi Lassi-Mango-Salted
芒果乳酪又係印度菜signature！口感濃稠，酸甜適中，加咗少少鹽更加帶出芒果甜味，同濃味咖喱超夾。
张贴
