牛大人台灣火鍋吃到飽 (加拿芬廣場)

营业中

休息中

食左幾次牛大人，每次依然覺得好正，今日帶埋屋企人黎試下😂一共有三個價位食到飽套餐選擇，唔同價錢當然食既質素唔同啦🥺試過中間價位同最貴，都係覺得最貴$298既澳洲極上和牛餐最好食！今次揀返呢個👍🏻湯底揀返最鍾意既台灣鳳梨雞鍋同紅燒牛骨湯底。紅燒牛肉湯底真係好正，入口湯底濃郁香醇，怕辣但想重口味就啱曬！用黎碌和牛更加絕配🤤🤤🤤 鳳梨雞鍋食落唔會好甜，帶有淡淡的菠蘿清香並有濃郁雞湯味😄好適合碌蔬菜🥬火鍋配料有落單叫既，多數係肉類、小食類等等。和牛同安格斯牛肉都要狂食😍 特濃牛肉滑、蝦滑都係必叫之選！鴨血、鹵大腸等台灣特色配料都好好食㗎！另外仲有好多蔬菜可以係出面自取，選擇都非常多，阿媽揀到好似去shopping咁開心😂最想讚跟餐送既限量牛肉丸。牛味好重好彈牙好juicy！！！飲品方面有好多特色台灣罐裝飲品，不過講最多人鍾意都係自家製冷泡茶🥺每期like佢地社交平台都有唔同台式飲品送😍勁開心！今次仲加錢飲左18+，係威士忌溝冬瓜茶🤩估唔到可以咁夾，酒味唔算重，容易入口☺️最後唔少得既當日係甜品，雪糕就唔係任拎既，每人一盒。