影片
更多
2018-09-22
70 浏览
今日去咗黃埔花園，幫阿姨執番個窗檯滲水位，佢話10號風球嗰日好恐怖，好多水湧入。完工後，阿姨同我去新天地美食坊食飯，佢話呢間店啲嘢食唔錯，又抵食，好多街坊，甚至街外人都會嚟食。 又真係幾多人幫襯喎，等咗一陣先有位，都仲唔係卡位，要坐四方檯。不過無所謂啦，好食就坐咩位都一樣㗎啫。 食咩由阿姨話事，一切聽從佢吩咐。不過，佢都知我大食，所以點咗唔少嘢，差啲一檯擺唔晒。佢點咗和麻醬雞絲粉皮、黑金流沙包、蜂蜜榴子蝦球、金銀蒜蒸娃娃菜、私房金黄球泡飯。 啲茶啲味道都幾特別，又幾好飲，阿姨話呢啲係蕎麥茶，出面唔多餐廳飲得到。 上嘢都好快，一陣間上齊。 【和麻醬雞絲粉皮】 初初以為涼菜唔會好大碟，但呢個又幾大碟喎，雞絲又多，咁足料，唔怪之得阿姨話呢間抵食啦。 青瓜絲好爽脆，粉皮帶點煙韌，唔會係一挾就斷嗰種。至於個和麻醬係有少少麻辣味的，食落都幾過癮下。 【黑金流沙包】 熱熱辣，皮薄餡靚好好食。 裡面啲流沙蛋黃汁，一咬就必晒出嚟，正呀!【金銀蒜蒸娃娃菜】 材料雖然好簡單，但賣相和味道一啲都唔失禮。娃娃菜開半用碟蒸，上面放咗超多蒜蓉一齊蒸，蒸熟後攢豉油熟油，食落娃娃菜香甜又有重香蒜味，我和阿姨都好喜歡咁樣
又真係幾多人幫襯喎，等咗一陣先有位，都仲唔係卡位，要坐四方檯。不過無所謂啦，好食就坐咩位都一樣㗎啫。
食咩由阿姨話事，一切聽從佢吩咐。不過，佢都知我大食，所以點咗唔少嘢，差啲一檯擺唔晒。佢點咗和麻醬雞絲粉皮、黑金流沙包、蜂蜜榴子蝦球、金銀蒜蒸娃娃菜、私房金黄球泡飯。
啲茶啲味道都幾特別，又幾好飲，阿姨話呢啲係蕎麥茶，出面唔多餐廳飲得到。
上嘢都好快，一陣間上齊。
【和麻醬雞絲粉皮】
初初以為涼菜唔會好大碟，但呢個又幾大碟喎，雞絲又多，咁足料，唔怪之得阿姨話呢間抵食啦。
青瓜絲好爽脆，粉皮帶點煙韌，唔會係一挾就斷嗰種。至於個和麻醬係有少少麻辣味的，食落都幾過癮下。
【黑金流沙包】
熱熱辣，皮薄餡靚好好食。裡面啲流沙蛋黃汁，一咬就必晒出嚟，正呀!
【金銀蒜蒸娃娃菜】
材料雖然好簡單，但賣相和味道一啲都唔失禮。娃娃菜開半用碟蒸，上面放咗超多蒜蓉一齊蒸，蒸熟後攢豉油熟油，食落娃娃菜香甜又有重香蒜味，我和阿姨都好喜歡咁樣整法。【蜂蜜柚子蝦球】
成個菜都係金黃色，好靚㗎。炸蝦球嘅炸漿好薄，造到好天婦羅咁，依稀見到裡面隻蝦球。仲有，就係啲柚子和蜜汁做嘅茨汁，甜得嚟又有柚子香，配合外脆內爽口嘅炸蝦合，又真係好夾。必食推介!
【私房金黄球泡飯】
呢個泡飯好特別。個泡飯係用一個好精緻嘅器皿載住的，下面點著火，慢慢慶住，保持熱度。另外，啲飯係做到一個大圓球，仲係帶點金黃色嗰種，然後放入個湯裡面，唔怪得個菜式名叫金黃球泡飯啦。湯裡面仲有蕃茄、粟米、西芹、菇菌，還有些豬肉，不過呢啲唔係普通豬肉碎，而係燒肉碎，所以整個泡飯係特別好味的。
呢餐好味，阿姨果然無介紹錯!
张贴
