影片
更多
2009-12-14
66 浏览
噚晚富貴門大結局，阿媽梗係話要睇啦! 所以連飯都懶煮，六點半已經叫晒我地出大埔墟食晚飯。本來我地講好咗要去食煲仔飯，但係行行吓有人派轉單，話1蚊隻皇子鴿喎! 阿媽立即發揮C9本色，唔好蝕低攞張睇吓先! 佢睇完之後就立即話要轉嚟呢度食，重大讚話呢度D嘢好好食嫁! 佢平時佢同D C9買完餸都有去食吓下午茶，同D C9 HEA 吓喎，都唔知係咪真嘅! 好明顯佢係貪埋D小便宜啦，攪到我無煲仔飯食!! 張COUPON後面有指明話要食滿先可以120元食1蚊隻皇子鴿，令外重有張食滿60蚊就可以1蚊食豬扒包，聽落真係都幾吸引嘅!! 平時我地一家五口食煲仔飯都要二百幾蚊落樓，係咪都要洗咁多而且有多D優惠，就順吓阿媽意，一次咁多啦! (其實次次都係阿媽話事)餐廳嘅地點原來離新街市唔遠，都唔係好隔攝，不過成條街靜應應得幾間嘢開門，唔通好嘢都專開係D無人去嘅地方? 對面係好出名嘅紅洋蔥，D朋友講過話幾好食，但自己就未試過。餐廳環境普普通通啦，不過裝修就舊咗D。可能我地早嚟掛? 一枱客都無!! (開始有D擔心係咪黑店)餐牌除咗有澳門嘢食，連普通茶餐廳嘅食物同小炒都有齊。伙計話咖哩同幾款小菜、焗飯都係一煲煲上嘅。
本來我地講好咗要去食煲仔飯，但係行行吓有人派轉單，話1蚊隻皇子鴿喎! 阿媽立即發揮C9本色，唔好蝕低攞張睇吓先! 佢睇完之後就立即話要轉嚟呢度食，重大讚話呢度D嘢好好食嫁! 佢平時佢同D C9買完餸都有去食吓下午茶，同D C9 HEA 吓喎，都唔知係咪真嘅!
好明顯佢係貪埋D小便宜啦，攪到我無煲仔飯食!! 張COUPON後面有指明話要食滿先可以120元食1蚊隻皇子鴿，令外重有張食滿60蚊就可以1蚊食豬扒包，聽落真係都幾吸引嘅!! 平時我地一家五口食煲仔飯都要二百幾蚊落樓，係咪都要洗咁多而且有多D優惠，就順吓阿媽意，一次咁多啦! (其實次次都係阿媽話事)
餐廳嘅地點原來離新街市唔遠，都唔係好隔攝，不過成條街靜應應得幾間嘢開門，唔通好嘢都專開係D無人去嘅地方? 對面係好出名嘅紅洋蔥，D朋友講過話幾好食，但自己就未試過。
餐廳環境普普通通啦，不過裝修就舊咗D。可能我地早嚟掛? 一枱客都無!! (開始有D擔心係咪黑店)
餐牌除咗有澳門嘢食，連普通茶餐廳嘅食物同小炒都有齊。伙計話咖哩同幾款小菜、焗飯都係一煲煲上嘅。食唔到煲仔飯，都要食返煲焗飯補償一吓，強烈要求下叫咗個焗鹹豬手焗飯。阿媽就話一定要叫菜，伙計推介咗馬介休炒什菜。我地重叫咗兩煲咖哩同一碟焗闊麵。加埋都要二百幾蚊，咁梗係叫埋1蚊隻皇子鴿啦! 個伙計重nice，話我地已經叫咗超過180蚊嘢，提我地其實可以要埋個1蚊豬扒包。細佬立即話好呀! 咁其實叫咗咁多嘢食唔食得晒嫁? 所以最後淨係叫咗一煲咖哩，加多1蚊要個豬扒包，兩百蛟就可以食齊兩款一蚊優惠，阿媽就不斷話，好抵!好抵! 我就話食咗先講!
澳門焗鹹豬手焗飯($46) – 豬手一片片，茄汁加上黑欖、青椒同葡腸一齊焗，焗到個汁同的葡腸有D焦香味，一上枱已經好香好吸引，配埋個炒飯低，正嗰!係大埔墟出名煲仔飯之外嘅令一選擇。
咖哩牛尾($50) – 又係一煲上嘅菜式，牛尾好淋，有小小酥，咖哩汁分量勁多，淨食就覺得有小小咸，但撈飯一流。最後又叫咗兩個豬仔包點汁食。
馬介休炒什菜($45) – 馬介休唔係太咸，除咗有什菜外，同樣加有黑欖同葡腸，有小小酒香。都幾好食同感覺上幾健康。
葡汁海鮮闊麵($46) – 叫咗個焗嘅版本，好芝士味，個汁好特別有一點點紅色而似蟹子嘅物体，原來係紅蘿蔔，海鮮有青口、魚塊、蜆肉、魷魚，好豐富。
軟骨皇子鴿($1) – 一開四，有一個一無得食(係阿爸)，BB鴿D骨真係軟嘅，好殘忍，但真係好食，唔會因為做promote而用d cheap料，BB仔D肉好滑。正!
豬扒包($1) – 又係一開四，又係阿爸無得食，用嘅係軟豬仔包，上面有小小麵粉有D麵粉香，洋蔥重有小小脆，豬扒大大塊，比包嘅橫切面重大小小。又係正嘢，阿媽加仍然都係嗰句!好抵!
原來焗飯、咖哩同闊麵有飲品送，重送多幾碗例湯添。個伙計話咖啡出名，阿爸就叫咗一杯凍嘅，杯咖啡上有小小咖啡粉，阿爸話幾好飲。
同阿媽講今次信佢係無錯喎，佢就好開心又開始推介話D早餐都好好食呀，阿媽你係咪收咗人錢呀?? 埋單時個事頭婆俾多張COUPON我阿媽，以我阿媽嘅貪小便宜性格，睇嚟好快我地又會再嚟過!
张贴
