阿四車仔麵 (已結業)

時代唔同咗，食那渣麵都想乾淨衛生， 所以呢一日就揀咗去店舖光鮮明亮嘅阿四車仔麵， 起碼食碗車仔麵都可以坐得舒服啲，唔使逼逼澀澀。招牌麵阿四車仔麵最出名嘅就係佢個招牌麵，9款配料 咩都有齊，唔使怕有選擇困難症 ：雞翼尖、 豬皮、豬大腸、雞翼 、滷水蛋，魷魚、 豬紅 、 魚蛋 。個人最喜歡豬豬大腸，洗得乾淨之餘，滷得入味。魚蛋爽口彈牙非常， 豬紅嫩滑 ，咖哩汁炒得香口， 不會過咸， 豬皮索曬啲汁食到停唔到口 。慢煮豉油雞髀飯配肉燥滷水雞髀大大隻，差唔多有半隻碗咁大 ， 滷得入味肉質又唔會太鞋 ，加上香香濃濃的肉躁醬汁，超下飯又美味！日式咖哩吉列豬扒飯配什菜色相美麗， 吉列豬扒即叫即炸金金黃黃， 加埋雜菜西蘭花蘿蔔椰菜花等等， 一望落已經讓人開胃非常。吉列豬扒已經切開一塊塊 ， 每件大小均等 ，豚肉油脂分布均等，外層酥脆不油膩， 咖哩甜而不辣， 配埋雜菜整碗飯也讓人非常飽足。另外叫了三個小食每人小食只是20蚊非常抵食。瑞士雞翼瑞士雞翼肉滑皮彈，香甜肉嫩，而且好惹味， 最重要是有五大隻，抵食。甜酸齋酸酸甜甜好開胃。腐乳生菜油菜可以揀配 腐乳或蠔油， 任君選擇，廿蚊一碟也不錯吃呢。飲品 套餐每款