影片
更多
2014-03-24
2181 浏览
是日費用:38/person.免加一用膳時間:2:00pm-3:00pm如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務⋯⋯1.癈話少講,講左食先！！上次二人同行,嗌左支竹浸時蔬，京醬茄子。首先上菜係。。。例湯一碗,唔係講笑,係好好飲。起碼真係落足料！冇！味！精！(然而我不記得個湯係咩,只知日日唔同)之後上京醬茄子。有驚喜！係我地兩個肚到暈之際。。酸酸甜甜嘅醬汁加脆卜卜個炸茄子。正！食完京醬茄,等左好耐,好耐,好耐。(你都覺悶呢~_~)上左個支竹浸時蔬,冇驚喜之餘都有啲失望,唯一見到曙光係佢啲菜係冇沙架\口/感恩感恩！！因為媽媽成日都話出街食野,佢地食材都唔係好乾淨。。。有時去酒樓或者餐廳,總會係新鮮到有泥沙石伴你左右。。。其實呢碟真係冇乜野好講。肚餓,食野！所以冇圖唔見左真相。呢間有機會再試！以上跟白粥或飯。2.係尖沙咀呢啲地方,除左譚仔,老麥可以快靚正。。。$38有一送,一飯,有湯有茶你飲。抵玩啦掛？仲要免加一。重點係唔洗點排隊,絕對讚(只限lunchtime...我估假日都唔多人去...)3.其實睇佢碟菜咁耐都未上,女朋友係咁廚房。。
用膳時間:2:00pm-3:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務⋯⋯
1.癈話少講,講左食先！！
上次二人同行,嗌左支竹浸時蔬，京醬茄子。
首先上菜係。。。例湯一碗,唔係講笑,係好好飲。起碼真係落足料！冇！味！精！(然而我不記得個湯係咩,只知日日唔同)
之後上京醬茄子。有驚喜！係我地兩個肚到暈之際。。酸酸甜甜嘅醬汁加脆卜卜個炸茄子。正！
食完京醬茄,等左好耐,好耐,好耐。(你都覺悶呢~_~)
上左個支竹浸時蔬,冇驚喜之餘都有啲失望,唯一見到曙光係佢啲菜係冇沙架\口/感恩感恩！！
因為媽媽成日都話出街食野,佢地食材都唔係好乾淨。。。有時去酒樓或者餐廳,總會係新鮮到有泥沙石伴你左右。。。
其實呢碟真係冇乜野好講。肚餓,食野！所以冇圖唔見左真相。
呢間有機會再試！以上跟白粥或飯。
2.係尖沙咀呢啲地方,除左譚仔,老麥可以快靚正。。。$38有一送,一飯,有湯有茶你飲。抵玩啦掛？仲要免加一。
重點係唔洗點排隊,絕對讚(只限lunchtime...我估假日都唔多人去...)
3.其實睇佢碟菜咁耐都未上,女朋友係咁廚房。。(女朋友:我想知佢係咪種緊條菜嘛。)佢啲野都擺得幾有條理,感覺都係乾淨。應該淨係得女人係廚房煮。
望完右邊,望下左邊,可能兩三點先食,佢個場人唔多,廿張枱左右,都有四張枱有人,上得去嘅人都好靜,好斯文。
佢地下有小食齋,要食飯就上樓上。(女朋友:佢啲梯級都幾高,行到上去一抬頭就見佛像,呀~我餓到上天堂啦。。。)
4.啲姐姐都幾nice.見我地冇茶會自動加水。
张贴