阿媽豆腐花專門店

营业中

休息中

旺角街頭好多小食，黎到掃街真係好方便。今日放工經過金魚街，買魚之餘口痕想食野，就揀間有人幫襯兼要排隊嘅阿媽豆腐花黎試下。店舖細細，有小食仲有野飲賣，但睇見個個都係買野食，飲品就唔見有人幫襯。見到佢寫住 「金牌組合，A 級出品」~ 魚蛋哥燒賣妹聯婚，雙拼一碗共有14粒都只係收你$10。魚蛋哥寫明陳皮魚蛋，確係無花假，外皮有咬口，夠結實，而辣汁的確夠味。至於燒賣妹就較失色，咬落口完全無味，下次識揀一定只揀魚蛋。