影片
更多
2021-02-08
205 浏览
餐廳：Lockeroom Dining (油麻地)地址：油麻地彌敦道558-560號譽發廣場8樓油尖旺區黃店西餐廳Lockeroom Dining喺一間阿仙奴球迷開嘅餐廳⚽️，餐廳以阿仙奴為主題去佈置，有球員嘅簽名球衣、相、紀念品等，老闆開咗三間分店，而今次亦都喺第一次去油麻地譽發廣場呢間分店佢哋嘅午餐真係平到冇人有🙊，價錢由$55-$85不等，仲包埋餐湯、蒜香牛油法飽、咖啡或茶同埋甜品🍮，呢個價錢呢個質素，仲要係樓上西餐廳嚟講，絕對係超值美國黃油大雞髀扒配肉骨腸 $75呢個雞髀扒真係超大塊😋，雞皮煎得香脆，切開雞髀肉喺啖啖肉😍，另外仲有一條去咗骨嘅雞肉腸，除咗有好少見嘅紫薯蓉之外，亦有唔少雜菜，另外仲可以加意大利粉🍝，呢個意大利粉仲係加咗茄醬去炒，認真每一樣嘢都唔馬虎低卡芝士黑松露焗黑毛豬蛋炒飯 $65將切開咗一條條嘅黑毛豬塊放喺炒香嘅蛋炒飯上面，面頭加上黑松露白汁同埋低卡芝士🧀，撈埋一齊食真係芝香無比，黑毛豬仲有成塊扒嘅份量，食落爽口肉香味濃，呢個價錢仲有咩可以彈😂？冰鎮原隻鮑魚 $98一碟有兩隻，先將鮑魚連殼蒸熟，之後立即放入熟冰水冷卻，保持鮑魚嘅質感同水份，之後再清洗乾淨內臟同離
地址：油麻地彌敦道558-560號譽發廣場8樓
油尖旺區黃店西餐廳Lockeroom Dining喺一間阿仙奴球迷開嘅餐廳⚽️，餐廳以阿仙奴為主題去佈置，有球員嘅簽名球衣、相、紀念品等，老闆開咗三間分店，而今次亦都喺第一次去油麻地譽發廣場呢間分店
佢哋嘅午餐真係平到冇人有🙊，價錢由$55-$85不等，仲包埋餐湯、蒜香牛油法飽、咖啡或茶同埋甜品🍮，呢個價錢呢個質素，仲要係樓上西餐廳嚟講，絕對係超值
美國黃油大雞髀扒配肉骨腸 $75
呢個雞髀扒真係超大塊😋，雞皮煎得香脆，切開雞髀肉喺啖啖肉😍，另外仲有一條去咗骨嘅雞肉腸，除咗有好少見嘅紫薯蓉之外，亦有唔少雜菜，
另外仲可以加意大利粉🍝，呢個意大利粉仲係加咗茄醬去炒，認真每一樣嘢都唔馬虎
低卡芝士黑松露焗黑毛豬蛋炒飯 $65
將切開咗一條條嘅黑毛豬塊放喺炒香嘅蛋炒飯上面，
面頭加上黑松露白汁同埋低卡芝士🧀，撈埋一齊食真係芝香無比，黑毛豬仲有成塊扒嘅份量，食落爽口肉香味濃，呢個價錢仲有咩可以彈😂？
冰鎮原隻鮑魚 $98
一碟有兩隻，先將鮑魚連殼蒸熟，之後立即放入熟冰水冷卻，保持鮑魚嘅質感同水份，之後再清洗乾淨內臟同離殼放係冰塊上面，配埋檸檬汁同埋餐廳自製嘅青醬，一啖放入口，清甜爽口，咁樣食鮑魚真係好幸福🥰
即製梳乎厘班戟 $88
呢份原味Pancake都算挺身，不過就有少少出水🤏，
但整體來講都好疏乎鬆軟，動L動L😆，食落有啲棉花糖質感咁，亦有陣陣蛋香，
加上煉奶同埋木糠碎，口感同味道就更豐富，可以一試👌
最後上埋用咗靚靚花花杯裝住嘅熱Latte同紅棗茶，
仲有跟午餐送嘅蛋香味重黑松露焦糖燉蛋，呢一餐簡直就係高性價比！我一定一定會再返嚟幫襯🤩。埋單嗰陣同老闆傾咗兩句，佢都話希望可以用咁平嘅價錢，喺呢個疫情底下出少少力，幫吓大家香港人🇭🇰，真係抵佢地越開越多分店😎
张贴
