八不·壽喜燒

之前睇社交平台介紹已經想嚟，可惜上次無訂到位去到已經爆場食唔到，今次預早經Openrice book定位終於可以試到。今次可能黃雨所以唔算好爆，仲有兩張吉枱淨。

介紹話呢間主打嘅係關東風壽喜燒，即係係先用牛脂、壽喜燒醬汁同埋洋蔥燒熱隻鑊，先再煎香牛肉，咁樣牛肉就吸收哂食材嘅味道，再加雞蛋黃一齊食味道就更濃。食完和牛加清湯仲可以打邊爐食埋個蔬菜盤。怕唔夠飽可以追加烏冬。

吉列西班牙豬扒啱啱炸起所以熱辣辣，外皮炸得幾香脆，點芥末沙律醬去食都幾開胃。

兩個人比較細食嘅人最後再加埋胡麻冷麵夠哂飽，埋單五百幾個人覺得價錢合理。