夢樂園 (已結業)

呢間鋪位處嘅商業大廈夠晒方便 係正大商場對面 同朋友行完攰攰地上黎食少少野傾下計 叫左個午餐 風酥豬扒飯加＄6配脆皮餃子 飲品加＄15要左杯仙草奶茶餃子即點即炸 一客有2件 咬落去脆卜卜 入面餡料足又夠熱 由於無晒飯 店員提議轉烏冬俾我 個豬扒醃料甜甜地 外皮確如其名 個酥脆 配埋烏冬清清地 唔錯最欣賞杯仙草奶茶 仙草好有仙草味 奶茶又夠香 兩樣夾埋飲真係好香 同台茶飲品店有得揮 餐廳闊落 牆身畫作都好夢幻 同餐廳名好配合仲見到位可愛店員 夠晒治癒