何洪記

营业中

休息中

自從“何洪記”由霎東街搬咗去希慎廣場，次次經過都有一堆人排門口，就算自己一個人都攝唔到入去幫襯。今日約同事去希慎搵食，居然咁啱被我哋捕到“何洪記”，仲坐大卡位。要咗乾炒牛河、及第粥、炸鯪魚球、湯浸芥蘭。乾炒牛河條條色澤均勻唔油膩，味道略淡，洋蔥、芽菜爽，牛肉軟腍。及弟粥有生腸、豬肚、豬潤、豬肉丸。粥底算綿滑，材料食得出質素高，最鍾意係豬肉丸，鮮味又有爆汁感。炸鯪魚球燙口，外皮香脆裡面魚味濃又唔腥，個蜆芥醬略鹹酒味唔夠。服務幾好，一舉手啲侍應就示意見到，環境闊落又乾淨。