Moontone (已結業)

終於終於嚟到呢一間潮聖，提早至六點進餐，餐廳裏面已經不乏顧客。進內環境舒適，今次選擇左榻榻米呢位置。👍🏻軟殼蟹滑蛋吐司用上丹麥吐司🍞食落鬆軟又帶有蜜糖牛油的味蕾衝擊。裏頭的軟殼蟹不油膩，蛋香頗重，配以椰菜絲、芝士、蟹籽，入口更為豐富。👍🏻大馬士革茶卷卷蛋嘅外型實淨，入口茶味芬郁清幽，由淡至濃嘅茶香慢慢滲出，食落不失濕潤感，但略嫌忌廉份量可以減少！👍🏻奶蓋莓莓刨冰利用新鮮嘅士多啤梨製成果醬， 加上一層厚厚的奶蓋，芝味頗為濃郁，啖啖士多啤梨果籽。而且份量驚人，碎冰幼細，裏面更加帶有Lotus餅碎和麻糬糰子🍡口感豐富，正好適合炎炎夏日。