影片
更多
2019-01-03
124 浏览
今次同朋友去左Dazzling Café食飯,喺尖沙咀The One入面, 食完仲可以行下街, 係非常唔錯嘅聚餐地方!兩個女仔食唔到太多, 可以叫一個小食+主食。小食方面我地叫左柚子蜜雞翅, 食落係好濃嘅蜜糖味,加上少少柚子味, 酸酸甜甜好開胃, 雞翼係單骨嘅,食落就唔怕麻煩, 一碟有十隻份量幾多, 食到停唔到口~青醬奶油雞腿意大利麵- 主食叫左個意粉, 因為係奶油意粉嘅關係, 睇落的確幾油XD 不過配合蔬菜青醬,食落其實都幾fresh, 要讚一讚係意粉上面嘅雞腿, 燒得岩岩好, 食落仲好嫩同埋幾入味(而唔係淨係層皮有味)甜品方面, 叫左草莓繽紛冰淇淋鬆餅, 即係士多啤梨窩夫。賣相好少女好靚, 窩夫係花形狀分成8舊, 細細舊好好入口, 唔洗自己再細分, 每舊上面都有cream 同士多啤梨, 窩夫食落就普通, 不過有士多啤梨雪糕, 士多啤梨醬, 煉奶同焦糖醬可以配窩夫食, 可以揀自己鐘意嘅醬,岩哂鐘意唔同口味嘅人一齊食! 飲品方面我地叫左熱水果茶, 水果味好濃好入味(幾驚喜~), 茶就略嫌甜左少少, 溝D水飲就岩岩好, 而且一壺茶份量都幾多,唔似有D餐廳飲兩啖就冇哂XD朋友叫左玫瑰荔枝
喺尖沙咀The One入面, 食完仲可以行下街, 係非常唔錯嘅聚餐地方!
兩個女仔食唔到太多, 可以叫一個小食+主食。
小食方面我地叫左柚子蜜雞翅, 食落係好濃嘅蜜糖味,
加上少少柚子味, 酸酸甜甜好開胃, 雞翼係單骨嘅,
食落就唔怕麻煩, 一碟有十隻份量幾多, 食到停唔到口~
青醬奶油雞腿意大利麵- 主食叫左個意粉, 因為係奶油意粉嘅關係, 睇落的確幾油XD 不過配合蔬菜青醬,
食落其實都幾fresh, 要讚一讚係意粉上面嘅雞腿, 燒得岩岩好, 食落仲好嫩同埋幾入味(而唔係淨係層皮有味)
甜品方面, 叫左草莓繽紛冰淇淋鬆餅, 即係士多啤梨窩夫。
賣相好少女好靚, 窩夫係花形狀分成8舊, 細細舊好好入口, 唔洗自己再細分, 每舊上面都有cream 同士多啤梨, 窩夫食落就普通, 不過有士多啤梨雪糕, 士多啤梨醬, 煉奶同焦糖醬可以配窩夫食, 可以揀自己鐘意嘅醬,岩哂鐘意唔同口味嘅人一齊食!
飲品方面我地叫左熱水果茶, 水果味好濃好入味(幾驚喜~), 茶就略嫌甜左少少, 溝D水飲就岩岩好, 而且一壺茶份量都幾多,
唔似有D餐廳飲兩啖就冇哂XD
朋友叫左玫瑰荔枝氣泡飲, 賣相好夢幻, 上面係奶白色下面係粉紅色, 上面仲有花點綴, 飲落好有荔枝味又有啖啖嘅玫瑰味,
好清新~
张贴
