百芳池上便當 (裕民坊YM²)

我同先生兩個小朋友同一位老人家共五人，喺商場想搵地方食麵，見到呢間餐廳就腳就入去。

女侍應本來係招呼我哋入去，但男侍應喺門口語氣惡劣，叫我哋唔好入，好似我哋做錯嘢。

坐低後，老人家睇唔清細字Menu，小朋友又要睇圖點餐，我再向女侍應借Menu，佢竟然黑面鬧我，話Menu唔夠（但櫃檯明明有），我解釋情況佢都唔理，仲揈手趕我走。若非老人家同小朋友攰唔想再行，我哋真係唔會幫襯。職員態度惡劣，對客人冇尊重。希望公司改善員工質素，唔好將情緒發洩喺客人身上。