嚐味喇沙 (已結業)

如題叫咗碗龍蝦湯喇沙摻摻其實都預咗冇咩龍蝦湯，但都估唔到連喇沙湯都搵啲沙嗲花生水扮下哇？食咗咁多年喇沙，好食唔好食都要有啲椰奶喇沙醬啦，定係大家對喇沙嘅定義有少少出入🤷🏻‍♀️另外叫左碗水煮牛肉夠膽死搵啲打邊爐麻辣湯底，冇花椒粒冇芽菜，但有蘿蔔同椰菜，遠睇以為係羅宋湯🤷🏻唔覺意聽到隔離枱嫌碗清湯牛肉河啲牛有怪味，個侍應勁唔好老皮話換過碗。然後再有食客問點解佢碗冬陰功河奇怪，係咪真係冬陰功嚟？個侍應解釋話係冬陰功味嘅湯，唔係冬陰功🤷🏻‍♀️正宗掛羊頭賣狗肉，我覺得做餐廳可以誠實少少，你冇喇沙咪冇囉，嫌多功夫唔想整水煮牛咪唔好賣囉，你呃得我入黎淨係食一次又何必？