影片
更多
2016-09-24
532 浏览
朋友前日出去工作經過見到呢間中菜唔錯,所以就約埋三五知己黎試下,我地叫左個2人套餐,每位$188,另再散叫左貴妃雞同炒飯,除返都幾抵死,仲要食到勁飽,環境夠大又唔係太多人,岩晒我地呢D邊食邊吹水既人...喜馬拉亞山岩鹽貴妃雞 -半隻($178):一上枱我同朋友都嘩聲4起,一大舊岩鹽上,見識少既我真係第1次咁食法,微熱既雞肉點上天然岩鹽,咸度自己控制,幾有趣...貴妃雞肉質嫩滑,不過雞皮有D肥,所以我都唔敢連皮食...海鮮蝦頭膏炒飯($128):飯粒炒得好乾身, 海鮮配料也入味,蝦粒彈牙, 翠玉瓜新鮮爽口..不過蝦頭膏味唔特出,反而好似食到咸魚味咁.始創爆炸可樂伴蜜餞豚肉叉燒:爆炸可樂球食唔出可樂味,只係有少少甜既煎堆咁,無咩特別,而叉燒就甜甜地,肉質嫩口而又唔會太肥膩...燕窩蘭香籽鮮蟹肉冬茸羹:雖然感覺好似無燕窩,但食落好有蟹肉鮮味,而且蘭香籽更增加其口感,味道清淡,唔錯.美國龍蝦芝士燴伊麵:份量都算多,伊麵煮到岩岩好,唔會太乾或太淋,每啖都食到香濃既芝士汁,唔錯...龍蝦好新鮮,好易就除殼進食,而且肉質爽彈有蝦味,個人最鐘意這道菜.冬陰公脆魚扒:好大一件,2人份量可再分俾4人食,炸
喜馬拉亞山岩鹽貴妃雞 -半隻($178):一上枱我同朋友都嘩聲4起,一大舊岩鹽上,見識少既我真係第1次咁食法,微熱既雞肉點上天然岩鹽,咸度自己控制,幾有趣...貴妃雞肉質嫩滑,不過雞皮有D肥,所以我都唔敢連皮食...
海鮮蝦頭膏炒飯($128):飯粒炒得好乾身, 海鮮配料也入味,蝦粒彈牙, 翠玉瓜新鮮爽口..不過蝦頭膏味唔特出,反而好似食到咸魚味咁.
始創爆炸可樂伴蜜餞豚肉叉燒:爆炸可樂球食唔出可樂味,只係有少少甜既煎堆咁,無咩特別,而叉燒就甜甜地,肉質嫩口而又唔會太肥膩...
燕窩蘭香籽鮮蟹肉冬茸羹:雖然感覺好似無燕窩,但食落好有蟹肉鮮味,而且蘭香籽更增加其口感,味道清淡,唔錯.
美國龍蝦芝士燴伊麵:份量都算多,伊麵煮到岩岩好,唔會太乾或太淋,每啖都食到香濃既芝士汁,唔錯...龍蝦好新鮮,好易就除殼進食,而且肉質爽彈有蝦味,個人最鐘意這道菜.
冬陰公脆魚扒:好大一件,2人份量可再分俾4人食,炸粉皮唔會太厚,肉質算係嫩,唔會炸到太乾,配上冬陰公好特別,而且辣度適中,好岩香港人口味.
黑松露珍珠蠔:珍珠蠔雖然比較細隻,但肉質鮮嫩,配上黑松露既芳香,令味道更加豐富,更有層次感.
西班牙火腿浸有機時蔬:食完肥膩既菜色再食返清淡既娃娃菜都唔錯,雖然西班牙火腿味道唔突出,少了D咸味,不過對於食開清淡既朋友黎講上湯配娃娃菜已經好足夠.
藍莓鮮奶凍&紅豆沙:奶凍比較硬,可能落得太多魚膠粉,不過以中菜黎講算係OK,個人都係鐘情於紅豆沙,陳皮味突出,又起沙,而且甜度適中,作為飯後甜品,真係一絕.
张贴
