隨便坐Cafe (已結業)

打籃球之前,先食午餐...想搵個地方靜靜坐下,就黎呢度食...一間小店,坐位唔多,不過人客唔少...見到隔離檯的大人小朋友睇漫畫,其他檯的就睇電視,睇報紙雜誌,又有同親朋好友一起暢談...個人認為呢間唔似pub,開放式廚房水吧集於一身,細細個的自成一角...點了白汁火腿煙肉天使麵+咖啡...小店標榜食物唔添加味精,比較健康...白汁份量一般,火腿煙肉唔係咁鹹,旁邊都有些雜菜粒,整體味道比較清淡,惜天使麵煮得過腍...反而咖啡唔錯,頗為香濃...還見到一盒盒的棋,放在雜誌架上...下次黎的話,自己可能會同自己捉棋...不過因為今次人客多,需要搭檯,自己唔好意思坐咁耐...服務都唔錯,店員好禮貌,人客多導致要搭檯,店員主動同我講唔好意思...馬鞍山又多一處可以比自己靜下的地方了...