迷你毛

閒日放假落SSP一轉, 平時去南昌街都有見到尼間
由於時間都5點幾, 下午茶又過左晚飯又未到, 人都見唔到唔太多入鋪試一試

店員見到我係門口都主動等待我入內, 而且過程中亦有替換餐具, 上菜亦有禮
感覺好好, 服務都欣賞!
平時努力工作, 都想食餐好獎勵自己
叫左焗法國藍龍蝦配芝士扁意粉, 果然沒失望, 對得住價錢
最後再加上鐵觀音伊予柑慕思, 尼客甜品真係喜出望外
由食到食完, 成個人係好享受好開心
會下次再來試試其他食物!

美味既芝士汁, 口感濃而不膩, 再加上蝦籽伴隨, 食落除左芝士既香仲有海鮮既鮮. 另外龍蝦札實肉厚鮮美, 再點一點芝士汁, 好豐厚既感覺係口中, 好味道!

$155

鐵觀音茶香味既mousse, 內裡中間有香甜既燉蛋, 兩者食落岩岩好去返中間點, 再加上抽子同橙既新鮮水果, 清新可口既味道. 特別鍾意佢個餅底, 切一塊再抹上mousse燉蛋, 食多啖水果, 幾種味道層次出晒來, 食得好滿足既甜品

$80