利寶閣 (已結業)

搵到一間好適合家庭係平日黎既中菜館,一黎唔洗點等位,二黎環境比起一般酒樓靜,適合一家人慢慢嘆茶傾計.菜式方面試左一個馳名既黯然燒魂飯，當然無周星馳戲入面形容得咁誇張，但係原塊叉燒上既叉燒飯真係好少地方有得食，而且叉燒肥美又夠厚，的確唔錯。至於隨餐附上既佛跳牆味道就淡左點，適合年紀大D既人食，入面都算幾足料。另外我地叫左一個雞翅，相比之下呢個翅濃味好多，而且有足份量既翅係入面，以咁既價錢算十分抵食。最後食左個雞就算係普通D，但係就新鮮熱辣，岩曬一路傾計一路食。惟一不足既就係人手少左D，服務都尚算OK