尖沙咀凱悅酒店咖啡廳

kkday買一個人連加一$380唔算平，好多酒店lunch buffet平佢少少但好佢多多🌚 kkday啲評價都係偏向差，但係我都抱住一分錢一分貨試，咁就中伏了🤭攞野食地方空間大，但係食物選擇極少，基本中西印。頭盤沙律得薯仔沙律,吞拿魚長通粉同沙律菜，煙三文魚都冇好冇誠意😐 至於西式，我從來冇見過燒牛扒可以咁細舊，好似前一晚用淨，留返第二日再切比客人咁😂pork rib有色水但係冇味+乾🙄 每個菜式少得黎又唔好食，所有肉類都又乾又鞋又冇味，同男友一致認為兩餸飯都好過佢😂 廚房勁冷清冇乜廚師，證明都唔洗煮多兩輪用黎refill🤭 冇一樣野食值得encore，無菜不歡嘅我都冇啖好食，得中式西蘭花同西式椰菜仔，雜菜都冇😐 海鮮得小龍蝦,青口,蜆,蝦，刺身有八爪魚,吞拿魚,三文魚,希靈魚，預左唔好食，大部份酒店自助餐刺身都好垃圾。都未過一個鐘刺身師傅已經失左蹤😶唯一可取嘅就係甜品，佢有個雪櫃係職員夾比你嘅件裝蛋糕，佢有原個蛋糕咁賣比人，呢啲就好食少少🤏🤏🤏🤏🤏 所以甜品類都算多嘅。同其他酒店比，呢間算係冇乜人食。將啲客塞哂喺一個area搞到好嘈好逼咁。位係闊落，但係枱同枱之間距離都幾近，想靜少