牛川日本和牛專門店 (已結業)

相信大家最近都會襯機會食好啲，朋友都有這個想法，於是相約去新餐廳開餐食燒肉！ #牛川日本和牛專門店提供燒肉 ，環境都舒適，而店員態度都好友善，叫套餐仲會附送前菜、沙律和飯，夠哂飽肚！◽️ 美國安格斯烤肉Set C $128有一口牛、牛頸脊、牛五花、牛肋肉及西施扒，牛味濃郁，一次過可以食哂唔同部位，有選擇困難症的話不如叫套餐，保證滿意！◽ 日本A5黑毛和牛烤肉Set B $268見到有和牛當然食埋啦！有牛三角、牛五花和外腹肉，油分會更豐富，燒至轉色就食得，配一口飯吃更滋味。◽ 美國安格斯牛肋肉 50g $32以為50g好少，原來都有成4塊，燒一燒就聞到肉香，燒至自己喜歡的熟度就食得。◽ 甲羅燒 $48特別喜歡吃甲羅燒，所以見字即叫！蟹蓋盛載著蟹膏、蟹籽、鵪春蛋及蟹柳絲，撈勻後燒熱食得，蟹籽為鹹香蟹膏增加口感，拌飯一流。◽ 燒蠔 $12@蠔都算脹卜卜，有蠔味。◽ 燒三文魚頭 $68
睇落份量都幾大，魚皮燒至香脆，魚肉帶有油香，鍾意食燒魚的話一定滿意！食物以外，只要加$4-$8就可以飲茶、汽水、啤酒等等，而雪糕都好抵食，只要加$12就食到Movenpick，點可以唔叫呀？餐牌參考～～～