天穴

营业中

休息中

因為有Lubuds coupons 所以嚟到尖沙咀海港城呢一間日本菜試吓。無論冇論餐牌和價錢，食物選擇，都係同時代廣場「鮨穴」一樣。 而環境。食物質素。座位。餐具，我個人覺得兩間餐廳差好遠🧸。天穴好好多🧐呢間嘅環境全部都係落地玻璃，天氣好便環境開陽。好光猛舒適。而食物器皿全部用淺色陶瓷感覺乾淨啲。個人覺得如果環境太黑，自己食咗啲咩都未必睇得清楚。今日我哋叫咗1）日式炸豬扒定食&2）銀雪魚定食。食物味道同保溫程度做得好好。值得一讚。上菜時間快，優勝嘅地方就係銀雪魚&炸豬扒食到中段仍然都係出煙熱辣辣。份量亦都好充足。感覺好好。食得好開心。而且座位舒適。環境亦都唔會太嘈。可以傾吓計，舒舒服服享受一個午餐。waiter&waitress亦都好有禮貌。相信環境開陽係其中一樣令到餐飯食得開心嘅原因。我會選擇再嚟。