廚十三老壇酸菜魚 (D2 Place ONE) (已結業)

同朋友嚟到D2睇戲，見到有一間新嘅酸菜魚餐廳，我哋就快快趣入去試吓。餐廳都有好多唔同種類嘅嘢食！嚟到梗係要食酸菜魚，我仲加咗好多唔同嘅配料，呢度係二人份量！勁大碟！望落去已經覺得好開胃！酸酸辣辣好開胃，魚好滑，無骨！魚香十足！配料我加咗蓮藕，腐竹，云耳等，口感十足！酸菜唔太酸，易入口！我最鍾意嘅粉皮，煙煙韌韌，吸收左湯底精華！另外我哋仲要左一份夫妻肺片，夫妻肺片比較辣。個份量亦都好多，牛肚好正，有咬口，有小麻辣。最後尾就要左一份涼粉，味道幾特別，勁滑，滑落喉嚨嘅感覺。