靚煲皇 (已結業)

一步入夏天不停地落雨, 搞到個人無晒心機, 趁happy friday同同事飯聚, 就響公司附近既靚煲皇, 抵食又多選擇. 雖然落雨但有帳篷, 不減風味. 夏天唔打邊爐, 揀左食酸菜烤魚, 一大鍋夠晒幾個人食. 成盤烤魚材料充足, 除左酸菜, 仲有豆卜芽菜等, 滾起黎特別香, 特別惹味. 魚表面煎香, 所以一路滾都無散開晒. 魚肉嫩滑又入味, 肉多唔算多骨, 新鮮無腥味, 好易入口, 配埋酸菜好開胃. 滾到出晒味再飲下D魚湯, 好鮮甜, 感覺皮膚都即刻滑左.剩食魚唔夠飽, 要多碟菠蘿咕嚕肉, 外表炸過好脆口, 粉唔厚, 外脆內嫩. 個汁唔會太酸, 食落開胃惹味, 令人回味.