一只酸奶牛 (已結業)

夏日炎炎，一出街就想飲凍野，酸酸甜甜更最好不過！見到門口寫做緊promotion，第二杯半價，所以一次過買兩杯！果肉莓莓$36店員話呢個係人氣產品所以決定試一試！呢個入邊有新鮮果肉仲有一啲士多啤梨醬，雖然唔係話好多，但襯起嚟真係幾新鮮幾好味！酸奶亦都好滑但略嫌唔夠酸，再選少少就會更加解渴！但個配搭係唔錯唔錯嘅！原味酸奶紫米露$18(減價後)十幾蚊一杯而家喺七仔買支茶都要，真係好抵！同樣酸奶可以再酸多少少，下面有大量紫米露好飽肚好有口感，鍾意食紫米露嘅人應該大愛！平時飲得太多珍珠奶茶嫌悶又唔健康可以試吓飲酸奶呀！