更多
2018-06-20
46 浏览
今晚原本打算黎陸陸食雞煲,點知咁岩見到佢開業6周年推出左個超抵海鮮優惠,無理由唔試.先上左個雞煲,選左中辣真係幾香,其實我唔覺得好辣,不過聽到隔離枱order BB辣都話太辣. 雞肉都好入味,不過可能我地煮耐左d,如果快d 食應該會更嫩滑. 之後重點黎到,海鮮拼盤. menu 話8-10款都係每日新鮮攞貨. 真係睇得出幾新鮮,中間d 蝦仲郁緊架.其他仲有帶子,扇貝,鮸片,鮑魚,蠔,象拔蚌,蜆等.火鍋湯底係龍蝦蕃茄湯,其實我地一邊邊爐一邊忍唔住飲左好幾碗湯,因為個湯底真係好鮮味,帶龍蝦香味 龍蝦超大一隻,一邊有齊工具可以好輕易打開. 肉質結實彈牙,之前食咁樣既龍蝦包一件都百幾差唔多兩舊. 但我諗個煲攞出黎時間隻Lobster應該已經熟左,我地唔知,再由得佢滾. 結果好似overcooked左,肉開拆完都縮水.帶子幾大粒,幾鮮味. 鮑魚一共有4隻,肉質厚身彈牙. 薄切鮸片輕輕一涮就熟,鮮嫩美味. 仲有象拔蚌同扇貝都唔錯食完一輪雞煲同海鮮其實已經半飽,但其他火鍋料陸續出場炸魚皮好香脆,放入龍蝦湯中幾秒都未幾腍. 響鈴就好吸湯,龍蝦湯煲完一輪海鮮就更濃郁,連帶響鈴都幾正.手打丸分別有黑白墨丸
先上左個雞煲,選左中辣真係幾香,其實我唔覺得好辣,不過聽到隔離枱order BB辣都話太辣.
雞肉都好入味,不過可能我地煮耐左d,如果快d 食應該會更嫩滑.
之後重點黎到,海鮮拼盤. menu 話8-10款都係每日新鮮攞貨. 真係睇得出幾新鮮,中間d 蝦仲郁緊架.
其他仲有帶子,扇貝,鮸片,鮑魚,蠔,象拔蚌,蜆等.
火鍋湯底係龍蝦蕃茄湯,其實我地一邊邊爐一邊忍唔住飲左好幾碗湯,因為個湯底真係好鮮味,帶龍蝦香味 龍蝦超大一隻,一邊有齊工具可以好輕易打開. 肉質結實彈牙,之前食咁樣既龍蝦包一件都百幾差唔多兩舊.
但我諗個煲攞出黎時間隻Lobster應該已經熟左,我地唔知,再由得佢滾. 結果好似overcooked左,肉開拆完都縮水.
帶子幾大粒,幾鮮味. 鮑魚一共有4隻,肉質厚身彈牙. 薄切鮸片輕輕一涮就熟,鮮嫩美味. 仲有象拔蚌同扇貝都唔錯
食完一輪雞煲同海鮮其實已經半飽,但其他火鍋料陸續出場
炸魚皮好香脆,放入龍蝦湯中幾秒都未幾腍. 響鈴就好吸湯,龍蝦湯煲完一輪海鮮就更濃郁,連帶響鈴都幾正.
手打丸分別有黑白墨丸同蝦丸,口感都幾彈牙. 後面仲有午餐肉,蟹柳同魚片頭. 魚片頭幾香,唔錯.
一長碟牛肩胛,中間仲有牛柳粒. 牛肩胛輕涮幾秒,口感幾嫩滑帶牛肉香. 其實牛柳粒既牛肉味更濃郁,但沉左係湯底唔小心煮耐左🙈🙈
鮮菜籃分量都唔少,金菇冬菇生菜娃娃菜. 個湯夠濃郁,所以真係全程豉油都唔駛已經好夠味.
原以為已經食完,原來仲有個餃子. 唔好睇個樣平平無奇,其實味道都唔馬虎. 最喜歡中間大大粒泡菜餃,泡菜酸辣仲夾有粉絲,特別又幾好食. 白菜豬肉餃都好食,仲有雲吞,水餃同魚皮餃各兩粒.
因為實在太豐富,聽到好幾枱最後都要打包走. 戰鬥力驚人既我食完都飽到第二朝. 呢個海鮮龍蝦餐其實原價$318 有咁大盤新鮮海鮮拼盤同龍蝦已經值回票價,依家6周年優惠$268 就更加抵食只係唔知優惠到幾時完,想去既記得快手d.
张贴