順日本料理 (已結業)

慕名而來試吓呢間嘅牛舌，餐廳開咗業30年，相信都要有返咁上下實力先有得留低，一坐低二話不說兩個都點有牛舌嘅餐~🔘厚燒牛舌飯 一上枱有俾佢wow到，有五片牛舌，目測每片有2.5 cm咁厚，簡單只用鹽同黑胡椒調味已經好好食，口感超級軟熟，而且裏面好Juicy一啲都唔乾，真係幾好食，另外橙紅色嘅醃蘿蔔都好加分，幫手解膩~🔘厚燒牛舌便當 建議女仔點呢個便當，五片牛舌對於女仔嚟講真係太多，三片就啱啱好，而且呢個餐仲有煙三文魚、味噌湯、沙律、同冷蕎麥麵，蕎麥麵個汁都幾好味，差啲唔記得仲有雪糕，揀咗海鹽味，好豐富嘅便當~🔘炸濃厚芝士餅即係芝士年糕，又比朋友搵到嚟嗌，香濃芝士味加煙韌口感，好難唔好食😂😂🔘明太子雞翼 脹卜卜雞翼，釀入滿滿的明太子及肉碎，香口微辣，不過明太子味唔係太出~🔘青檸梳打 🔘荔枝特飲 順帶一提，呢個係受牛舌關注組關注嘅牛舌，朋友話淨係佢嘅厚度已經好值得關注😂😂，鍾意食牛舌嘅一定要去試吓~