大邊爐火鍋店

营业中

休息中

天氣凍凍地，又係時候去打邊爐！成日聽人哋講九龍城有好多高質打邊爐，今次一於跟朋友去試吓😍 大邊爐火鍋店要上樓嘅，位置唔算好多，感覺私隱度幾高。原來呢度係已經開咗20年嘅餐廳，依家仲做緊優惠，九點後入座有半價🫢餐牌嘅選擇就唔算少，大路嘢一定有！仲有好多海鮮！湯底我哋揀咗冬瓜瑤柱湯底，幾足料。有圖有真相，安格斯肥牛質素唔錯，而且厚度啱啱好，淥幾秒就食得又唔會太硬👍 呢個係必食推介👍 3秒腐皮即係響鈴，呢個我哋四個人食咗兩碟😂 真係勁鬆脆，吸湯一流，好好食。其他嘅火鍋食材都唔錯，最鍾意呢度靜靜地可以慢慢食，下次大夥兒再食過！