好一鍋海鮮火鍋專門店 (已結業)

朋友介紹呢間抵食又好食，於是試吓！去到雖然已經七點，但唔洗等，由於限時2.5小時，知客知道我地未齊就話問大概幾點齊飲，叫我地可以坐低飲嘢先，唔好點嘢食住，7：30先開始計我地，處事彈性，給我第一印象已經非常好！到齊人我地點，不停點，不停食飲。。。。雖然啤酒唔係任飲，但價錢都抵，冰十蚊三罐，朋友叫咗三轉，青島唔記得幾錢兩大支，朋友再叫咗兩轉，由於無人等位，截單後埋咗單都唔洗即走，五個人每個人都唔洗二百蚊！之後朋友再叫支生力飲完再走。。。真係飲飽食醉的一晚！好滿足呀！