香港洲際酒店大堂酒廊 (已結業)

一連幾天嘅假期黎到最後一天，約左舊同事㴝呢度食lunch buffet, 包一杯welcome drink, 有果汁汔水，紅白酒選擇！識食當然向凍海鮮進發，有幾款選擇，包括多肉多膏嘅麵包蟹，但鮮味始終爭d；涷蝦同青口反而唔錯！再行前有日本刺身同壽司，細細件壽司款式多，飯口感幾好，夾起時唔會散開，最like象拔蚌夠爽囗！熱盤種類都唔少，最愛有羊肶及燒牛肉，牛肉大約七成熟，食落仍帶有肉汁！若是甜品控黎到呢度會變心心眼，種類超多，即使每款試一啖都不得了，個人推介鬆脆甜美嘅士多啤梨拿破輪酥皮，滿載吉士的甜味！食完呢餐飽到夜晚！