影片
更多
2012-10-07
9 浏览
上網見到賣團購兩次，次次都好鬼快賣哂，心裡諗係咪真係咁堅，咁啱又約咗班Friend去銅鑼灣，一於去試下^_^之前一晚打去訂枱(訂19:45)，個女職員同我講，雜誌有九折coupon剪，咁樣會抵啲（又幾體貼喎^_^）。第二日19:45我地準時到達，門口好多人，等左十幾分鐘倒就有枱。不過唔緊要啦！去邊度食飯都要等㗎啦！記得訂枱嗰時個女仔都話有機會要等一等，因為比較繁忙。咁我都應咗人ok,唔通走去話人咩！況且唔係耐^_^樓面裝修都幾特別，有好多日本公仔喺度，座位都算闊落，我有幾個肥仔朋友都讚好(因為佢地無整到人，而佢地又坐得舒服)。到點嘢食時間^_^發現到呢間舖頭嘅老闆真係幾體貼，點解？因為佢地喺張order紙度整左各樣嘅拼盤，咁我地咪唔洗遂樣點囉！我地一行八人，每款拼盤先點兩客試試先，然後再主攻鍾意嗰幾款！牛-一口牛肋肉同極上牛係本人推介豬-豬頸肉好爽、有肉味^_^海鮮-海蝦好新鮮！聖子同青口值得一試！刺身-呢樣係本人最愛，新唔新鮮？好唔好食絕對呃唔到我^_^三文魚Good!白肉豚鮮！北寄貝真係要讚，因為無沙^_^讚好！同埋完全無諗過呢度嘅三文魚壽司，居然係用三文魚腩㗎^_^我緊係唔執輸，
第二日19:45我地準時到達，門口好多人，等左十幾分鐘倒就有枱。不過唔緊要啦！去邊度食飯都要等㗎啦！記得訂枱嗰時個女仔都話有機會要等一等，因為比較繁忙。咁我都應咗人ok,唔通走去話人咩！況且唔係耐^_^
樓面裝修都幾特別，有好多日本公仔喺度，座位都算闊落，我有幾個肥仔朋友都讚好(因為佢地無整到人，而佢地又坐得舒服)。
到點嘢食時間^_^發現到呢間舖頭嘅老闆真係幾體貼，點解？因為佢地喺張order紙度整左各樣嘅拼盤，咁我地咪唔洗遂樣點囉！我地一行八人，每款拼盤先點兩客試試先，然後再主攻鍾意嗰幾款！
牛-一口牛肋肉同極上牛係本人推介
豬-豬頸肉好爽、有肉味^_^
海鮮-海蝦好新鮮！聖子同青口值得一試！
刺身-呢樣係本人最愛，新唔新鮮？好唔好食絕對呃唔到我^_^
三文魚Good!白肉豚鮮！北寄貝真係要讚，因為無沙^_^讚好！同埋完全無諗過呢度嘅三文魚壽司，居然係用三文魚腩㗎^_^我緊係唔執輸，係咁博命叫啦！
最後仲要一人一杯哈根達雪糕，真係好滿足呀！
其實大致上都讚好，二百幾蚊食到攬住個肚仲想點呢^_^
臨走仲要有人歡送你喎^_^啲職員都好有禮貌同我地講bye bye^_^ Good呀！
美中不足嘅係........我無影到相呀>.<
张贴