樂廚私房菜 (已結業)

由朋友介紹, 訂佐位係樂廚食飯. 7位, 竟然留佐房俾我地! 訂佐7PM, 結果有朋友通知差唔多8PM先到, 我地有人等唔及,想食住少少野先,于是問樓面有冇野可以上佐先?樓面話可以上佐部分湯先. 到齊人再通知佢出其他餸.燉湯: 每位一盅, 一打開蓋, 一陣熱氣流飄佐出來,湯料占了一半, 湯清香滋潤, 連埋湯渣吃完, 已半飽了.呢個時候我地一班朋友仔係房內大聲講大聲笑, 感覺非常好!傾傾下, 好快最後一個朋友仔來到. 于是我地通知樓面可以上菜了.預留俾朋友仔的燉湯跟隨也上佐, 而湯依然係熱辣辣的, 呢點超讚!朋友果然冇介紹錯! 避風塘炒蟹: 微微辣, 香口惹味. 好正!朋友話蒜茸好正要留起!(後話:原來蟹仲可以要求走辣)美極蝦: 爽口彈牙,個人認為咸少少會更好味.金銀蒜粉絲蒸元貝:. 元貝好大隻,大路煮法, 好難失手.OK!金沙煎焗生蠔: 金黃的外殼香脆, 包住多汁的生蠔, 正!清蒸海斑: 時間控制得啱啱好. 魚鮮,嫩滑.鷄:特色客家糯米酒煮鷄,必試! 聽個名, 仲以為有糯米一齊煮. 原來係甜甜的鷄酒,酒精濃度大約有8度.對唔係好識飲酒既我哋嚟講算OK. 老板係客家人, 佢話冬天最啱食鷄