開心小敘

营业中

休息中

朋友話呢間野叫做開心豬扒,佢話因為呢度專食豬扒,冇其他野食喎!去到發現唔係的,有其他野食架不過豬扒就係最出名!間鋪好細呀,好多人來食,好彩咁岩有位唔使等,不過之後就好多人等位了我同朋友都叫左是日套餐 - 開心豬扒雙蛋飯,配熱飲$32,凍飲加$1,汽水加$2阿姐問我地要咩蛋,朋友要了太陽蛋,我就要了炒蛋(見到有其他客人要煎熟蛋,不過最多人食太陽蛋)個飯好快就來到了,d豉油汁由阿姐吱完上d飯度,再遞上枱俾客人兩隻大大隻的太陽蛋真係好吸引,未熟的蛋黃浪下浪下咁即刻後悔冇叫太陽蛋!事關我的炒蛋非常弱雞,只有小小的一塊,看似只有一隻蛋,冇雙蛋喎!不過炒蛋味道都不錯呀,好滑,而且並非全熟,所以有d蛋汁,好香口!太陽蛋味道就更加好啦,蛋黃混和飯同豉油真的好好味豬扒都好大塊,切成好多件,溫度唔算好熱,外面有少許脆脆地,肉不會韌不過又唔算鬆化or腍,其實咁樣更加好,好過落大量鬆肉粉的豬扒!豉油汁係甜的,但味道偏淡,岩晒唔喜歡太濃味的人(我)!不過有好多客人都自己再添豉油下次我會叫豬扒雙併飯,可以配2塊漢堡扒!只係$28,加野飲都係加$4(見到其他人食漢堡扒,就好後悔自己叫左雙蛋)呢度坐就一定唔好坐架喇,