江川壽司 (已結業)

好開心星期日被抽中免費試食江川壽司，當日同另外多位Open Rice會員第一次相聚，大家交換飲食心得，氣氛極度融洽！當然最重要任務就係試食完之後，能够為食店提供中肯意見。自問唔係食家，對食物評價只係憑最直接感覺，希望以下意見對大家有參考作用！香芒蟹籽沙律 – 感覺好寡，應該加多啲沙律醬，將茫果撈落沙律度，口感應該更好海膽剌身 – 食店提供壽司飯同埋菜等我哋自已包嚟食，海膽幾新鮮，紫菜好脆三文魚刺身 – 感覺一般右口魚刺身 – 呢個好特別，唔知同左口魚有冇親戚關係。食落口感幾好，点加咗柚子嘅醬汁，感覺好清新！江川刺身盛 – 刺身包括八爪魚，海膽，赤貝，油金魚..等等，啲剌身幾新鮮江川金龍卷 – 呢個係我當日最欣賞嘅菜式，係用茫果同埋牛油果卷住壽司飯同剌身蝦，咬落甜甜酸酸，啲蝦好爽塩燒牡丹蝦 – 隻蝦搣咗殼後得噃好細隻，蝦肉無嘜味，不過蝦頭就好甘香！特大帶子壽司 – 啲帶子真係超大同埋幾新鮮，但係有啲漏嘅感覺，都係小食多滋味5A和牛壽司 – 始终唔係好慣食生牛肉，如果可以略炙一下，感覺會好啲，而且亦無入口即溶嘅感覺江川味上之吞拿魚壽司 – 唔太欣賞，首先啲色澤好似好”人造”，而味道亦唔吸引