影片
更多
2017-12-04
248 浏览
今日同朋友係觀塘海濱公園呢邊玩左一日，肚仔都餓啦，係時候補充一下體力。行過附近一間商場，見到一間新開嘅餐廳叫Season Plus，以海鮮為賣點，岩哂我心意。今日係星期日，晚餐人數唔算太多。入到去地方都相當寬敞，格局都頗有心思，令食客相當舒服。睇睇個menu，原來呢到主打生蠔。但我朋友都唔太食蠔嘅，於是我就叫左三款點單蠔：USA Pacific Jumbo，Irish Rock No.0 同 Grillardeau No.0，試試佢地有咩分別先！我地都叫左兩份海膽刺身，一份威爾斯羊仔架同一份牛肝菌意大利飯。首先黎到嘅係海膽刺身，味道十分鮮美，而份量亦相當多，每份有一大匙！58蚊就享用到兩份海膽刺身，好抵食阿！緊隨其後就係三款生蠔，配埋Bloody Mary Shooter。試試個Irish Rock先，簡單地用檸檬汁去一去腥味，已經令肉質鮮美。Gillardeau用相同嘅手法處理，卻令肉質味道過酸。在此建議大家享用呢款生蠔時，檸檬汁不要落太多，影響口感。而USA Pacific Jumbo則比較大份，味道比較鹹。和Shooter一起享用，會又鹹又酸又辣又甜，頓時對味蕾有種強烈的刺激，十
行過附近一間商場，見到一間新開嘅餐廳叫Season Plus，以海鮮為賣點，岩哂我心意。
今日係星期日，晚餐人數唔算太多。入到去地方都相當寬敞，格局都頗有心思，令食客相當舒服。
睇睇個menu，原來呢到主打生蠔。
但我朋友都唔太食蠔嘅，於是我就叫左三款點單蠔：USA Pacific Jumbo，Irish Rock No.0 同 Grillardeau No.0，試試佢地有咩分別先！
我地都叫左兩份海膽刺身，一份威爾斯羊仔架同一份牛肝菌意大利飯。首先黎到嘅係海膽刺身，味道十分鮮美，而份量亦相當多，每份有一大匙！58蚊就享用到兩份海膽刺身，好抵食阿！
緊隨其後就係三款生蠔，配埋Bloody Mary Shooter。試試個Irish Rock先，簡單地用檸檬汁去一去腥味，已經令肉質鮮美。Gillardeau用相同嘅手法處理，卻令肉質味道過酸。在此建議大家享用呢款生蠔時，檸檬汁不要落太多，影響口感。而USA Pacific Jumbo則比較大份，味道比較鹹。和Shooter一起享用，會又鹹又酸又辣又甜，頓時對味蕾有種強烈的刺激，十分過癮！
再黎就係羊仔架，每份有四件，其肉質鬆軟，且香口，相當合我口味，十分值得推薦！
最後就係份牛肝菌意大利飯，個人覺得賣相就比較普通，而且口感較硬身，不太能取悅到我。可能係我隔太耐先食嘅原故吧！下次要將佢優先享用阿！
總括而言，食物整體表現都相當滿意。由其是呢到嘅海鮮，相當抵食！下次叫埋一大班鍾意食蠔嘅朋友黎呢到享用生蠔拼盤至得！
张贴
