小甜頭

营业中

休息中

喺大圍油站對面嘅甜品店，唔易搵，但好有驚喜……首推開心果碎碎麻糬波，麻糬好煙靭，開心果尖醬會死甜，有好香開心果味，重點係大大碟開心果脆脆，炒得好香，用麻糬波點醬、再黏上開心果脆脆，一啖食晒煙靭、香濃、香脆嘅口感，非常滿足！唯一要挑剔嘅係麻糬波太多，兩個人食都覺得好飽，如果一個人就好難試到，如果可以有半份、或者雙拼就更好，朋友其實好想試吓Oreo味，但都食唔到……另外試咗黑糖粉粿椰子、斑斕雪糕杯，黑糖粉粿似啫喱，配埋椰子同斑蘭雪糕，非常清新，啱晒夏天消暑！仲有焦糖脆脆布丁，平時布丁多數配焦糖醬，呢度加埋焦糖脆脆，小朋友一定鍾意。大圍有唔少甜品舖，呢間嘅Menu選擇唔算多，但都好有特色，例如有桃膠糖水、番薯糖水，其他舖未必有，值得一試。