前家樂餐廳火鍋店 (已結業)

前幾日同女朋友係奧海城睇完戲之後就去附近覓食, 聽D朋友講大角咀有間前家樂既雞煲同魚煲好正, 天氣又涼涼地, 又撞岩係附近, 食前家樂就最好不過啦可能時間尚早同埋WEEKDAY既關係, 唔洗點樣等位就可以入座了. 因為本人同另一半都比較鐘意食魚既關係, 我地就叫左一個烤海鯇魚鍋(細邊)$178, 再配蕃茄薯仔湯底, 唔洗5分鐘就黎左個魚鍋了, 條魚都幾大條, 不過2個人都可以食得晒。除左個鯇魚鍋之外, 我地仲嗌左其他打邊爐既食物，唔好哂左個湯底嘛。先講個魚鍋先，本身條魚已經煎香左，金黃色的，等埋個蕃茄薯仔湯底滾。食魚最怕多骨，就住就住食，但係今次食個條魚差不多食啖啖肉，骨係有少量，但唔會下下要自己搵骨。咁已經係一絕，起碼唔會啃骨先。蕃茄薯仔湯底係甜甜地既，隨住個魚鍋係咁滾，個湯愈來愈杰身，愈來愈有甜味，一定唔係淡。女朋友都話好好味，啖啖肉加甜湯，魚又滑而且湯甜甜地。其實條魚完全熟透，打邊爐既料已經上得7788，咁多款既料，墨魚丸粒粒都咁大，唔係講笑，乒乓波細少少咁多。墨魚丸同蝦滑都好彈牙。好彩有嗌響鈴，唔好哂左個湯佢嘛，索哂蕃茄薯仔湯，好入味，唔係一盤味精水碌熟啲野，似係呀媽煲蕃茄薯仔