Munch (已結業)

今日同好朋友食晚飯，因為知道呢間餐廳好難訂枱，所以早幾日前已訂。晚上6:30到達唔需要等直入，我哋被安排窗邊位置，環境都幾舒服，唔會太嘈同太迫。因為太肚餓我哋揀咗幾款食物，先嚟頭盤蟹餅，啖啖蟹肉仲唔覺熱氣，跟住試南瓜湯，好creamy好香南瓜味。主菜我哋叫咗牛扒拼大蝦同大蝦薯仔粉，牛扒好嫩有肉汁，成數都恰到好處，至於個薯仔粉，感覺好得意唔似普通意粉。食完都好飽，但仍然忍唔住要食埋甜品—士多啤梨拿破倫，酥皮好脆連埋啲奶皇食，唔太甜，好滿足！