影片
更多
2018-09-08
139 浏览
Thank God It's Friday！終於來到星期五，又可以放鬆心情，約朋友食下飯、吹下水，吃喝玩樂，今次就一於由好友帶路，嚟絕少會踏足嘅荃灣區食韓日燒自助晚餐。餐廳位於沙咀道 298 號翡翠廣場 2 樓，地點雖然唔係好近港鐵站，但亦唔算太遠，只係 8 分鐘路程。先介紹一下收費，嘩！真係幾經濟，原來星期一至五，晚市時段，每位只係 $168，由入座起計，可用餐 2 小時，另設加一服務費。如果係 6pm 前或 8:45pm 後入座，則每位只收 $148，星期六、日及公眾假期，全晚每位加收 $10。自助吧檯設於餐廳門口附近，安頓後，馬上外出走一轉看看。食物款式非常豐富，有壽司、刺身、熟食、中湯、鍋物、鐵板燒、甜品及飲品等，花款多到數都數唔曬。壽司、刺身全部放曬喺迴轉帶上，每碟都有蓋冚住，既乾淨又衛生，可以睇啱先攞，食幾多拎幾多。碟三文魚味道唔錯，魚肉色澤亮麗，呈鮮橙色，肉質雖然唔算話好豐腴油潤，但入口亦嫩滑無筋；而友人就讚碟中華沙律夠爽口，食落仲帶點芝麻香。熟食有炸豬扒、雞翼、薯格、薯角、炸蕃薯波、麻辣魚蛋、牛肚等；而鐵板燒就有薄燒牛肉、大阪燒、芝士燒玉子豆腐、秋刀魚、生煎包同臭豆腐。
Thank God It's Friday！終於來到星期五，又可以放鬆心情，約朋友食下飯、吹下水，吃喝玩樂，今次就一於由好友帶路，嚟絕少會踏足嘅荃灣區食韓日燒自助晚餐。
餐廳位於沙咀道 298 號翡翠廣場 2 樓，地點雖然唔係好近港鐵站，但亦唔算太遠，只係 8 分鐘路程。先介紹一下收費，嘩！真係幾經濟，原來星期一至五，晚市時段，每位只係 $168，由入座起計，可用餐 2 小時，另設加一服務費。如果係 6pm 前或 8:45pm 後入座，則每位只收 $148，星期六、日及公眾假期，全晚每位加收 $10。
自助吧檯設於餐廳門口附近，安頓後，馬上外出走一轉看看。食物款式非常豐富，有壽司、刺身、熟食、中湯、鍋物、鐵板燒、甜品及飲品等，花款多到數都數唔曬。
壽司、刺身全部放曬喺迴轉帶上，每碟都有蓋冚住，既乾淨又衛生，可以睇啱先攞，食幾多拎幾多。碟三文魚味道唔錯，魚肉色澤亮麗，呈鮮橙色，肉質雖然唔算話好豐腴油潤，但入口亦嫩滑無筋；而友人就讚碟中華沙律夠爽口，食落仲帶點芝麻香。
熟食有炸豬扒、雞翼、薯格、薯角、炸蕃薯波、麻辣魚蛋、牛肚等；而鐵板燒就有薄燒牛肉、大阪燒、芝士燒玉子豆腐、秋刀魚、生煎包同臭豆腐。個人最鍾意就係大阪燒，前者紫薯蓉爆滿，質感綿滑，入口仲食到淡淡紫薯香。至於大阪燒，入面有蔬菜同肉類，豬肉煎得香脆，加上醬汁，食起嚟多咗一點甜味。
輪到吃今晚嘅主角烤肉，其實所有嘅肉類，豬牛羊雞、丸類、腸類、三文魚腩、三文魚骨、八爪魚仔等，全部都可以喺燒烤生肉區搵到，大家可以因應自己嘅食量，食幾多挾幾多，千祈唔好做大嘥鬼。
基本上每張檯都會有一個韓燒爐同火鍋電磁爐，韓燒爐上已經鋪咗一張牛油紙，食客可以直接將食物放在上面燒。牛油紙大概燒十幾分鐘就需要更換，不過店員一早已經將牛油紙放曬喺檯面，客人可以自己 DIY，毋須店員代勞。
燒肉方邊，整體水準都算唔錯，肥牛炙過後，油香豐富；而豬腩肉食落亦軟腍不肥膩。豬頸肉彈牙煙韌；紅腸、雞翼正常；鴨胸夠鹹香和重黑椒味；而煎餃子的豬肉菜苗餡亦 ok。
除咗燒烤外，其實餐廳仲有火鍋供應，客人可以喺自助區取一款鍋物，加湯便可拿回座位。湯底有麻辣湯同豬骨湯兩款，我地揀咗豬骨湯，湯頭入口雖然不算太香濃，但味道都幾清甜，可以一邊燒烤、一邊吃火鍋，雙管齊下，一次過滿足曬兩個願望，唔錯。
又嚟到甜品時間，無諗過店裡的甜品，選擇會咁豐富，有西米露、豆腐花、雪耳紅棗糖水、涼粉、焦糖燉蛋、啫喱、奶凍，甚至什果沙律、荔枝雪糕等，樣樣有齊，而且啲迷你小甜點，款款賣相都好精緻，色彩繽紛，令人賞心悅目，大家一定要記得留肚試勻佢。
飲品同樣採自助形式，選擇亦多不勝數，除了汽水同果汁之外，仲有豆漿、酸梅湯、竹蔗水、五花茶等。如果鍾意飲酒嘅朋友，一定會心花怒放，因為餐廳入面竟然有梅酒、紅酒、熱清酒、雲呢拿酒、菊花酒、玫瑰花酒、樽裝啤酒等供應，而且全部都係任飲，以咁嘅價錢，實在超值。
张贴
