迫阿女請我地兩老食放題，
佢就帶左我地去創興，
呢棟大廈出名多野食，
最近期就同食肉獸麻甩朋友食過二樓既平靚正韓燒，
今次就食樓上經常見到大排長龍既樂天大喜屋放題，
等入座既時候真係非常期待！
首先當然揀一系列刺身作為前菜
老婆最愛超厚切三文魚，我就最愛甜蝦
每款刺身都厚肉，幾新鮮！
阿女次次食壽司必叫左口魚，
佢教識我地兩老食
非常美味！入口即溶！
燒和牛壽司都好高貴！
每款壽司都好精緻呀！
焗蠔非常之多醬，食一隻就夠
青魚都係我最愛之一
啖啖肉，魚皮又薄又香！
芝麻炸雞翼 香脆可口！
花膠冬菇 冬菇唔夠林 但花膠好食
叫多兩份比老婆補下
係自助區都有唔少食物
越南粉卷有特色
炸蠔都唔錯 大肉，香口
老婆最愛燒菠蘿，好甜好多汁！
佢話好解渴！
貪得意自己唧軟雪糕，唔識控制唧太多
斑蘭+雲尼拿味
最後食埋生果，兩個半鐘話咁快就過！
都幾滿足！
