A Little Bit Restaurant (已結業)

Item: A Little Bit Restaurant
Rating: 0
Author: kcdarren

3.5

29 食记

味道

环境

服务

卫生

抵食

439

大埔

$51-100

西式面包店 All Day Breakfast 西餐厅酒吧露天茶座

kcdarren

等级1

5個壯男慶祝生日,5個都咁鍾意四圍搵新野食,大家都想試D健康野,所以今次搵到呢間係太和既輕食西餐,睇地點就真係會偏少少,但我地5個壯男就鍾意D靜既環境食野,去到舖前就真係岩晒我地河車,靜+cafe feel+舒服。入到店內,環境裝修都俾到我舒服感覺,我地一行5人坐低後就準備點餐,但我其中兩個fd就因為坐於一張略矮既梳化,而張枱又高左少少,變左坐得辛苦少少(略嫌呢處爭少少),不過好在店員都提供番兩個cushion俾我個fd,變成坐得冇咁辛苦,店員又好鬼貼心,真係要俾個like!到點菜,1人1個All Day Bf就必要,小食要左1客雞翼,當再諗多1樣乜野小食時,店員主動提議左1個果醋蕃茄,我地見几特別,就決定叫黎試下,我地再諗下見5個壯男應該唔夠食,就決定叫多2個pasta,但店員極力提議我地叫1個pasta就夠了,我地就信一信店員,就改為叫1客carbonara就算。餐到時,首先黎左跟餐既南瓜湯,賣相OK,味道就唔太濃,以我唔咁鍾意食重口味既我,我覺得OK,伴埋一塊飽,岩岩好!之後黎左果醋蕃茄,蕃茄係個裝滿果醋既樽入面,店員幫我地將個蕃茄由樽內移回隻碟上,而佢亦教我地食前加少許鹽於蕃茄表面食,另外樽內的醋亦可以飲的,但因為我地5個對飲醋麻麻地,所以冇飲到,只係食蕃茄加一D配菜,蕃茄一食落口好有食梅子既味道,酸酸甜甜,味道真的好新鮮(yummy!yummy!),符合餐前小吃meaning,好開胃。隨之再來另一款小吃"雞翼",食落有一股少少可樂feel,但唔肯定係咪(最尾原想問店員製法,但唔記得左問),味道係好好的,但可能剛剛食左一道正到爆的小食,變左比下去(即蕃茄係A+++++,而雞翼係A++)。之後送到All Day Bf啦, 賣相都係good的,滑旦+腸仔+煙肉+漢堡扒呢個配搭原本俾我既感覺係好重口味的,但呢度我估因為佢主張健康,所以全部都唔會較到咁濃味,岩我口味,隨之再試埋鬆餅+jam,味道都係岩岩好的,唯獨我嫌鬆餅有少許燶,再之後刷埋茄汁豆+粟米+蕃茄,呢D個味道好fresh,最後清埋佢呢碟既小果盤,呢碟小果盤正好抵消肉類,真係唔會令到我好滯,好辛苦!清完這碟All Day Bf,隨之就到另一主菜(carbonara),5個壯男經過咁多野食之後,去到呢一刻都85%full了,5個share一碟carbonara原來真係岩岩好的(當初店員冇呃我),講番食物,味道一如此店味道,唔要太重口味,味道適中,再加多一個小生果盤,可以再cover到carbonara既煙肉(Good)!臨尾我就order多一杯五青汁,見佢水吧即榨出來,味道恰可,最緊要健康!!!最後唯一可惜係今晚真係食到好full,叫唔到甜品,下次再來食時先再叫佢d甜品!