炎天丼 (已結業)

依個真係開心大發現, 估唔到喺女人街有咁好食嘅天婦羅菜色。喺旺角行下行下, 都唔知食乜好, 經過呢間舖, 望落有啲似日本嘅家庭式經營小餐店, 簡簡單單幾有 feel, 在家上網絡個餐牌都幾抵食。老實講, 個餐牌嘅食物相片真係影得麻麻, 甚至可以話影得差: 啲食物相片唔係好吸引, 而且睇落啲份量好細。結果實物嚟到, 效果啱啱相反: 買相豐富又特別、色彩又開胃。我叫咗一個<海鮮天婦羅拼手打稻庭烏冬>, 創作認真, 賣相吸引。 天婦羅嘅炸漿薄又脆, 有蝦、有魷魚、又有蟹柳, 最特別嘅係啲蔬菜天婦羅, 健康得嚟又爽脆口, 好特別。手打稻庭烏煙韌又滑, 湯底清新冇味精。另外叫咗一個<海鮮天丼>, 份量真係十足。材料新鮮, 有蝦有蟹柳。天婦羅蔬菜好特別。 飯嘅質地好啱胃口, 係採用日本米。 流心蛋做得好流心, 令到成碗飯更加好味。呢間舖頭好慷慨咁樣每一台都擺一瓶日本<雲丹飯素>, 呢個真係用嚟送飯嘅極品。係好真實嘅日本口味。