影片
更多
2021-06-17
1428 浏览
2021年6月10日 晴今晚黎同同事farewell,一行7 人book 左兩張枱, 好彩餐廳都安排到大家坐隔離枱串燒種類都多, 有菜有肉有丸, 大家中意食咩自己拎, 同埋refill 都快, 唔擔心會冇貨食唔到。除左串燒仲有幾款熟食可以自己夾, 小食都幾好, 等串燒熟個陣可以食下先, 但個南瓜湯就唔建議。佢而家仲每枱送一條燒茄子, 熱辣辣, 幾好食啊!燒串燒個陣佢個爐會自動轉d 竹簽, 但係要留意放太密會卡住, 要留意下d 擺位。佢本身有三個醬係隔離, 要蜜糖就要問職員拎。任食黎講佢個質素不過不失la, 唔會好高質但佢都唔差。最中意燒菠蘿, 好甜好食!佢仲有一疊紙可以揀熟食同甜品, 呢個係迷你軟殼蟹漢堡, 都幾好食。佢個甜品可以自己配搭仙草芋圓, 唔錯最特別係佢ge 雪糕, 係本土牌子黎, 香港製造。朱古力最正常, 仲有海鹽、麻辣、奶荼、咖啡同雲利拿味。海鹽有d 咸味, 但佢藍色個人感覺重色素, 有d 卻步。麻辣味坊間少有, 食落似譚仔ge 感覺, 好搞笑, 但雪糕黎講真係不了。試下好la。奶茶味我覺得幾好, 都有茶味, 但口感就比較鞋, 最好食都係朱古力。最後大家要意係用信用卡俾錢
今晚黎同同事farewell,一行7 人book 左兩張枱, 好彩餐廳都安排到大家坐隔離枱
串燒種類都多, 有菜有肉有丸, 大家中意食咩自己拎, 同埋refill 都快, 唔擔心會冇貨食唔到。
除左串燒仲有幾款熟食可以自己夾, 小食都幾好, 等串燒熟個陣可以食下先, 但個南瓜湯就唔建議。
佢而家仲每枱送一條燒茄子, 熱辣辣, 幾好食啊!
燒串燒個陣佢個爐會自動轉d 竹簽, 但係要留意放太密會卡住, 要留意下d 擺位。
佢本身有三個醬係隔離, 要蜜糖就要問職員拎。
任食黎講佢個質素不過不失la, 唔會好高質但佢都唔差。最中意燒菠蘿, 好甜好食!
佢仲有一疊紙可以揀熟食同甜品, 呢個係迷你軟殼蟹漢堡, 都幾好食。
佢個甜品可以自己配搭仙草芋圓, 唔錯
最特別係佢ge 雪糕, 係本土牌子黎, 香港製造。朱古力最正常, 仲有海鹽、麻辣、奶荼、咖啡同雲利拿味。
海鹽有d 咸味, 但佢藍色個人感覺重色素, 有d 卻步。
麻辣味坊間少有, 食落似譚仔ge 感覺, 好搞笑, 但雪糕黎講真係不了。試下好la。
奶茶味我覺得幾好, 都有茶味, 但口感就比較鞋, 最好食都係朱古力。
最後大家要意係用信用卡俾錢個陣唔知點解佢地碌唔到張卡, 最後碌左幾次, 但又過左幾次錢。所以用卡俾錢真係要check 清楚。
张贴
