元朗花甲粉

营业中

休息中

元朗有名嘅花甲粉店终于都开咗堂食，即刻同朋友嚟试下先，估唔到新春期间都唔加价，又冇加一，真系良心店㖞😍小店流程系先写好落单纸，再去收银畀钱，然后自己揾位坐，叫到号码就出去拎。我见食客都好自律，喺收银度排队落单，坐位都系坐埋一边，唔会将啲嘢摆晒喺櫈度霸位。落单到拎得碗粉大概等咗15分钟，堂食客好多外卖客都好多，见佢生意咁旺都邓佢开心嘅😘自己就叫咗百撘面，拣咗肥牛鱼皮饺配米粉，汤底就bb辣同小麻。芫荽、葱同炸蒜系自助落嘅，想要几多就落几多。个人觉得小麻加bb辣啱口味，汤头仲几鲜味添。米粉好多，仲有唔少娃娃菜同金菇，配料畀嘅份量都唔少，食完一碗系劲饱嘅😋朋友就要花甲粉，再加咗响铃同汉堡扒，汤底就要咗中麻中辣，同样系米粉底。试咗佢个汤底，确实系同我个百搭面嘅汤唔同，虽然入口系麻同辣，但最后有海鲜嘅鲜甜味走出嚟，似乎汤底都用咗唔少花甲👍几十蚊食饱饱又好味，抵啦😆我哋六点钟入座就好好彩唔使排，去到六点半门口已经排长龙，好多人都转外卖了。