但馬屋 (皇室堡)

但馬屋開咗都幾耐吓喺香港。今次第一次食係近排又見到社交平台有人介紹，見到啲食評好多人都推介389個餐，所以今次試咗，因為四百幾嗰個雖然只係多幾十，但係啲肉就更加多肥，雖然肥啲真係會入口即溶，但係唔會食得太多，本身已經係蝕本貨嘅我哋，要識得揀適合自己嘅嘢😂😂😂, book咗6:30，門口個哥哥非常之有禮貌，揀湯底期間都有選擇困難症，哥哥都細心討論同我哋，入座上湯底同埋上咗五碟肉先。睇到都好味同埋都好靚。外邊啲丸菜瓜種類都多。另外仲有冰粉同涼粉可以自由選擇，仲有四款雪糕，冇記錯係芒果，咖啡，曲奇，藍莓。生果有西瓜菠蘿哈密瓜，仲有兩款蛋糕鹹蛋黃芝士蛋糕同抹茶，蛋糕就真係一般鹹蛋黃好怪個人覺得，整體d肉都係好軟腍腍，食完第一次嘅五碟再喺QR code落單似叫多5.6款唔同嘅肉。有豬有牛有羊。。羊肉超級酥嗰浸味。鍾意食嘅就會好好食。。但係當淥熟嘅時候又唔覺得特別臊😂😂。真心食得超級飽個胃都就嚟爆。但係望到隔離同樣係三個人，不過佢哋全部男人，就覺得我哋真係蝕本貨😂😂 整體嚟講性價比都算OK，加埋一每人400頭。每人一鍋可以食自己喜歡嘅嘢。。揀自己喜歡嘅湯底唔錯。差啲唔記得講湯底，今次我哋叫咗蕃茄壽喜燒，美肌湯底，另外仲有一個唔記得咗叫咩名但係浸味都係似壽喜燒，不過就冇咁重味嘅。蕃茄壽喜燒嗰個好濃味其實都好食但係食耐咗就會想食返啲清啲嘅。因為加湯佢都會係加返同一款湯俾你。係足料。。唔想咁濃味中途可以加下第二樣。😂😂