十二味 (碧麗花園) (已結業)

十二味越開越多，今次到我食🐟 人見人愛酸菜魚 ($246)有得揀有冇寬粉，我覺得寬粉係酸菜魚必加！先試咗啖湯，唔油，而且辣中帶酸再帶小小麻，湯都幾鮮，用黎撈飯，唔覺唔覺食晒成碗飯。魚係用鱸魚，仲起晒骨好滑，啖啖肉，份量真係唔少，食極都仲有🤤川式口水雞 ($58)仲叫咗個涼菜，口水雞叫咗小辣。份量都唔算少，兩個食每人都食咗四五件，而且除咗有辣味，仲好香芝麻味。肉質都算嫩滑，唔錯。熱情果梳打 ($28)哇🫣好大杯，真係兩個人share一杯都夠。少甜岩岩好，唔會太甜，而且咁大杯，飲到最後都有氣，熱情味又夠出，呢杯真係幾好飲。