Ocio (東港城) (已結業)

來到坑口食野，呢個商場開左好多新餐廳！有晚餐，又可以散叫，我同朋友又唔係太餓，但又想食窩夫！所以叫左一個餐加小食。水牛城雞翼 $58冇諗到有5隻雞翼大大隻，d汁好入味。仲有小小沙律伴菜，都幾唔錯。又開胃。香煎珍寶帶子辣肉腸手打意粉$158嘩！有4粒珍寶帶子！仲要煎得剛剛好，咬落嫩口 ，辣肉腸切左粒，好有口感。意粉幾推介，手打既麵質薄d，而入口d。玖瓏蜜瓜窩夫 $68第二個胃黎啦！個蜜瓜見到都流口水🤤一大片加窩夫，仲有雪糕。面頭有d蜜糖星星甜甜地。我諗出面$68真係食唔到。咖啡包$33以下，其他當特飲。咖啡正常啦，包奶。下次想試下奶昔。坐得好舒服，個環境比人感覺可以慢慢坐傾下計。