影片
更多
2017-01-05
313 浏览
喺尖沙咀行過好多次，經過過呢一間日本料理亦都好多次，但係就冇仔細睇佢食啲乜嘢。因為覺得佢個門口好似好誇張，好犀利驚好貴，唔敢去食，哈哈。原諒下我呢啲窮L。。今日因為公事，經過附近又唔想周圍行去搵嘢食，所以就入咗呢一間飯堂。其實係門口嗰度就見到原來呢間野夜晚通常就係做放題，假日嘅午餐亦都會有做放題，但係平日嘅午餐呢就以定食為主。佢嘅午市定食大概有＄50至百幾蚊不等，會配埋前菜，沙律，湯同埋主食。另外仲可以加錢加啲壽司又或者刺身等嘅小食。前菜係一啲日本小食青瓜，螺肉仔咁樣。但唔覺好食，食咗一粒唔敢再食。沙律就係一啲好普通嘅沙律菜上面加左日式嘅豉油。個面豉湯。。。暖的。。今日就叫咗個滑蛋豬扒飯，呢一個滑蛋豬扒飯個樣就好靚仔，上面個蛋整出嚟仲有一啲忌廉狀，看似好好食咁樣。但係食落去個飯好淡，飯有冇好感，唔好食。豬扒食落去外面唔脆，入邊嘅豬扒亦都無汁，好乾下。唯一好就係夠大塊，夠厚。另外就叫左一個高松魚生飯，飯入便會有四塊油金魚刺身，三文魚子同埋海膽。油金魚刺身味道中等。三文魚子質素一般，唔夠大粒，咬落去嘅汁都唔夠多。而海膽就係值得讚賞嘅，因為佢用咗加拿大嘅海膽食落去好creamy，有質素嘅。另
今日因為公事，經過附近又唔想周圍行去搵嘢食，所以就入咗呢一間飯堂。其實係門口嗰度就見到原來呢間野夜晚通常就係做放題，假日嘅午餐亦都會有做放題，但係平日嘅午餐呢就以定食為主。
佢嘅午市定食大概有＄50至百幾蚊不等，會配埋前菜，沙律，湯同埋主食。另外仲可以加錢加啲壽司又或者刺身等嘅小食。
前菜係一啲日本小食青瓜，螺肉仔咁樣。但唔覺好食，食咗一粒唔敢再食。沙律就係一啲好普通嘅沙律菜上面加左日式嘅豉油。個面豉湯。。。暖的。。
今日就叫咗個滑蛋豬扒飯，呢一個滑蛋豬扒飯個樣就好靚仔，上面個蛋整出嚟仲有一啲忌廉狀，看似好好食咁樣。但係食落去個飯好淡，飯有冇好感，唔好食。
豬扒食落去外面唔脆，入邊嘅豬扒亦都無汁，好乾下。唯一好就係夠大塊，夠厚。
另外就叫左一個高松魚生飯，飯入便會有四塊油金魚刺身，三文魚子同埋海膽。油金魚刺身味道中等。三文魚子質素一般，唔夠大粒，咬落去嘅汁都唔夠多。而海膽就係值得讚賞嘅，因為佢用咗加拿大嘅海膽食落去好creamy，有質素嘅。
另外仲加左個鰻魚壽司同三文魚刺身。個鰻魚壽司就係細細件，等食落唔似係蒲燒鰻魚，似係星鰻。
而三文魚刺身嘅質素都比較差，感覺係新鮮，但係食落味道有草青味。
整體來講好一般，有失望感。諗住出面咁靚，入邊應該有返咁上下嘅質素，但可惜事與願違。张贴
